Velkommen til Open skule torsdag 17.10, kl . 17.00-19.00 
Rosseland skule sin Solidaritetsaksjon gir dette året si støtte til Barnekreftforeningen ved å delta på TV-aksjonen 2024. For å samla inn pengar til dette viktige og gode formålet inviterer me heile familien til “Open skule”: Ta med mor, far, søsken, besteforeldre og andre for å visa fram den flotte skulen vår, og sørgja for at det kjem inn mest mogleg pengar til Barnekreftforeningen. 

Me minnar om at det er de som foreldre som har ansvaret for barna denne kvelden. 

Då er skuledagen godt i gang for elevane våre. Eg håpar både barn og foreldre har opplevd skulestarten som god og trygg for barna.
Eit trygt og godt skulemiljø er avgjerande for læring, og består av mange små tiltak.

Eit av desse har med trafikkavvikling å gjera. Det er no etablert ei såkalla "Hjertesone" rundt Rosseland skule. Ei slik sone har to hovudformål:

1. Eit helsemessig perspektiv - barn bør gå eller sykla til skulen, og ikkje bli køyrd. Om foreldre ønskjer å følgja barna til skulen, gjer det til fots!
2. Eit trafikkmessig perspektiv - det skal vera minst mogleg biltrafikk rundt skulen.

For å unngå farleg biltrafikk nær skulen, er det etablert ei "dropsone" ved Tennishallen. Om de likevel vel å køyra; kan de køyra inn, stoppa, setja av barnet og køyra ut igjen. Barna må då gå på fortauet opp mot skulen

Les meir her:Trygg trafikk