Endeleg er ferien snart over og skulen startar opp igjen!
Me gler oss til å ta fatt på eit nytt skuleår, og ønskjer alle elevane velkomne tilbake torsdag 17.august!
2.-7.trinn møter kl. 08.15 på plassen utanfor gymsalen.
Dei nye 1.klassingane byrjar kl. 09.00, og møter opp på same stad.
Det blir vanleg lengd på skuledagen så alle må ha med mat og noko å drikka. Me håpar sjølvsagt på godt sommarvêr, men uansett må elevane ha klede som er tilpassa det vêret me får.
Me minnar og om at SFO er stengt måndag 14. og tysdag 15.august, då personalet har planleggingsdagar.