Olweusprogrammet mot mobbing og antisosial atferd
På Rosseland skule nyttar me Olweus-programmet i arbeidet med å sikra at elevane våre skal ha eit trygt og godt skulemiljø. Programmet skal hjelpa oss med å arbeida systematisk med å førebyggja, oppdaga og stoppa mobbing.
I 2017 blei det gjort endringar i opplæringsloven kapittel 9A om elevane sitt skulemiljø. I august 2024 blei Opplæringslova endra, og frå den datoen vert retten til trygt og godt skulemiljø omtala under kapittel 12. Målet med §12 i Opplæringslova er å sikra eit meir effektivt regelverk mot mobbing og ei betre handtering av reglane. Olweusprogrammet har som mål å:· Auka medvit og kunnskap om mobbing. Engasjera vaksne på skulen og heime.· Skapa systematiske tiltak for å førebyggja og stoppa mobbing.· Støtta og effektivt verna om den som vert utsett for mobbing.· Innføra enkle og klare reglar mot mobbing.Programmet gir oss ryddige prosedyrar som me nytter ved mistanke om mobbing, ved påvist mobbing eller når ein oppdagar at det vert brukt andre typar krenkande ord og handlingar. Olweus-programmet er eit verktøy som skal hjelpa skulen med å arbeida for at alle elevane skal ha eit trygt og godt skulemiljø. Opplæringslova kapittel 12 slår fast at alle elevar har rett til eit trygt og godt skulemiljø som fremmer helse, trivsel, inkludering og læring. Skulen har nulltoleranse mot krenkingar. På Rosseland skule arbeider me systematisk på skulenivå, klassenivå og individnivå for å sikra at alle elevane skal få eit trygt og godt skulemiljø. Me er opptekne av at alle vaksne ved skulen vår skal vera varme og visa positiv interesse og engasjement for elevane våre. Det kan vera mange grunner til at barnet ikkje trives på skulen. Mobbing og plaging kan vera ein av dei. Utdanningsdirektoratet har laga ein guide om kva for nokre rettar barnet har og korleis de kan gå fram i kontakten med skulen. Det kan du lese meir om her
På nettsida til Statsforvaltaren i Rogaland finn du meir informasjon og kontaktopplysningar:
Statsforvaltaren i Rogaland
