Temaet denne månaden er ganske alvorleg, men diverre ikkje så framand for mange i denne aldersgruppa. Det å vere urolege for korleis venner har det, og vere usikre på kva som er forventa av dei og kva dei kan gjere for å hjelpe, er noko svært mange ungdomar er opptekne av.
I timen vert dei oppfordra til å fortelje til vaksne dersom dei er bekymra for ein venn. Kanskje fortel dei uroa si til nettopp deg. Kva gjer du då? På same måte som vi ber ungdomane om å finne ut om den som har problemet har fortalt dette til vaksne som kan hjelpe, er dette også noko av det du bør finne ut dersom ungdomen din søker råd hos deg. Dersom det er grunn til å tru at du no er den einaste vaksne som har fått vite dette, blir rolla di å finne ut saman med ungdomen din kven som kan hjelpe. Kanskje er dette noko du eller ungdommen din kan snakke med helsesjukepleiar om. Eller kanskje vil du snakke med foreldra til ungdommen om dette er noko dei treng å vite? I allefall om det står det om liv og helse. Ring gjerne Alarmtelefonen for barn og unge (116111) og få meir råd der. Vis at du er ein ungdommen din kan kome til med slike bekymringar også.
Video om venneplikt