På skulen er vi mange som skal arbeida og trivast i lag kvar dag.

For å få samarbeidet til å bli best mogleg, treng vi reglar for korleis vi skal oppføra oss i forhold til kvarandre, og korleis vi skal ta vare på skulemateriell og skulebygningane.  

Klepp kommune har vedteke ei felles forskrift for ordesreglement. Dei finn du på denne lenka.

For elevane vert karakter (halvårsvurdering og standpunkt 10. trinn) i orden og åtferd sett med grunnlag i denne forskrifta.

Opplæringslova seier dette om skulereglar:

§ 10-7 Skolereglar

 Kommunen og fylkeskommunen gir forskrift om organisering av skoledemokratiet og om rettar og plikter for elevane, mellom anna om orden og oppførsel (skolereglar).

Kommunen og fylkeskommunen kan i slike skolereglar angi kva tiltak som kan brukast når elevar bryt skolereglane, og korleis slike saker skal behandlast.

Opplæringsforskrifta presiserer formålet:

§ 9-2 Formålet med og grunnlaget for vurdering i orden og i oppførsel

 Formålet med vurdering i orden og i oppførsel er å fremje sosial læring, medverke til eit trygt og godt skolemiljø og gi informasjon om orden og oppførsel.

Skolereglane er grunnlaget for vurdering i orden og i oppførsel, jf. opplæringslova § 10-7. Orden heng saman med om elevane er punktlege og førebudde og følgjer opp arbeid. Oppførsel heng saman med om elevane viser omsyn og respekt for andre. Elevane skal vere gjort kjende med skolereglane.

Kompetanse i fag skal ikkje trekkjast inn i vurderinga av orden eller oppførsel. I vurderinga skal det takast omsyn til føresetnadene til elevane.

Det skal ikkje leggjast avgjerande vekt på enkelthendingar med mindre dei er særleg klanderverdige eller grove.