På skulevegen til og frå skulen gjeld vanlege trafikkreglar. Dei som sykler må nytta hjelm og dei som sparker oppfordrer ein til å ha hjelm. For dei som tek skulebuss er det viktig å halda reglane for av- og påstigning.  

Ordinær skuleskyss

 I opplæringslova § 4-1 står det om skyss i grunnskulen. Elevar i 2.-10. trinn som bur meir enn fire kilometer frå skolen har rett til gratis skyss. For elevar i 1. trinn er skyssgrensa to kilometer. Elevar som har særleg farleg eller vanskeleg skoleveg har rett til gratis skyss utan omsyn til veglengda.  

Farleg skuleveg rundt Lye skule

Time kommune har gjort ei vurdering av vegane inn til Hognestad skule, Lye skule og Undheim skule. Det er laga kart som viser kva vegar som er trygge å ferdast på for mjuke trafikantar. På kartet er dei trygge vegane farga grøne og og dei som ikkje er trygge er raude. Levekår i Time har vedteke at dei som må bruka dei røde vegane for å koma til skulen, kan søkja om skuleskyss sjølv om dei ikkje har krav på skyss på grunn av veglengda.  

Dei som må nytta dei røde vegane for å koma til skulen, kan søkja skulen sin om skyss på grunn av farleg skuleveg.  

SK2101 skulebussruta ligg her

De finn søknadsskjema og kart over farleg skuleveg til høgre i margen.

.