Det har vore mykje kjekt som har skjedd på skulen den siste veka og her kjem litt av tinga som har føregått😊

Tysdag 11.juni gjennomførte vi Open skule på ettermiddag og det var kjekt å sjå kor mange føresette, besteforeldre og søsken som deltok. Kvart trinn på skulen hadde laga sitt eige tema og det var ope for at alle kunne ta turen innom romma for å sjå kva dei hadde planlagt. Det var eit spanande og variert program med presentasjonar, dans, samarbeid, basar konkurransar og problemløysingsoppgåver. 6.trinn hadde ansvar for kafeen og vi vil takke alle som hadde bakt til dagen.

Onsdag 12.juni reiste alle dei flinke trivselsleiarane våre med buss til ein kjekk «takk for innsatsen dag» på Åsane bowling. Denne dagen hadde dei sett fram til og stemninga var på topp heile dagen. Trivselsleiarane har gjort ein strålande innsats i friminutta og sett i gong så mykje god aktivitet for andre. Tusen takk!

Torsdag 13.juni hadde 2.trinn storfint besøk av forfattaren Vegard Markhus og dei fekk synge den fine songen «male himlen blå». Vegard har vore på besøk hos oss tidlegare og det er like kjekt kvar gong. Frå sist besøk vart det laga fleire ulike bilete etter elevane sine ord. Bileta er ramma inn og heng på veggen innanfor den eine hovudinngongen på Lilleplassen. Det er stas for elevane å kjenne att bilete dei var med å laga.

Fredag 14.juni vart regnbogeflagget heist på skulen som ein avslutning på veka der det har vore eit ekstra fokus på mangfald og inkludering i klassane.
Vi ynskjer alle ein flott siste veke på skulen før sommarferie :)

Onsdag 29.05 gjekk 1. trinn på tur til Badevika. Dagen starta med litt duskregn, men gjekk fort over til overskya og sol. Elevane storkoste seg i vika der dei bygde sandslott, fanga krabbar, sjøreker, fant skjell og spela fotball. Nokon fant til og med ei flyndre på havbotn! Ein nydeleg tur med ein fantastisk gjeng! :-)

I dag har elevane på 1-2.trinn hatt felles 17.mai aktivitetar i strålande solskinn. Dei starta dagen med felles tog som gjekk frå Lilleplassen, rundt skulen og vart avslutta på Fossemyra. I toget gjekk kvart trinn med si eiga fane og elevane ropte høgt HURRA.
Då dei kom ned til Fossemyra, dansa alle felles blimE dans og dansen frå «Dovre faller». Etter dansen vart det sett opp ulike aktivitetar kor elevane kunne velje sjølv kva aktivitet dei ville vere med på. Det var blant anna aktivitetar som boksekast, ringspill, fotball, potetløp og tautrekking.
Vi hadde ei fin økt med god stemning og glade barn som gler seg til den store dagen i morgon.
Gratulerer med dagen, alle saman. Vi håper de får ei fin 17.mai-feiring i morgon 😊

Elevane laga mønster med det dei fann i naturen.

Eit innsyn i ein gymtime med 1. trinn. Elevane er så engasjerte uansett kva for aktivitetar vi har.

Dagen kom og gjekk like fort. 100 dagar hadde vi gått på skulen og vi feira talet 100. Vi starta dagen med ein KICK START, rettelse TL-KICK OFF og lærte oss fleire nye, kjekke leikar. Etterpå gjennomførte vi utfordringar med fokus på talet 100.  Her er nokre av dei:

- Stirr på sidemannen din i 100 sekunder, og prøv å ikkje blinke først (var kun 6 stk i klassen som klarte det - veldig stolt gjeng)

- Kor mange gonger kan du skrive namnet ditt på 100 sekunder? Lat oss finna det ut. (nokre hadde kortare og nokre lengre namn, men dette stoppa oss ikkje)

- Raske rumper – klarar du å sitje på alle sine stoler før det har gått 100 sekunder?  (ja, det klarte vi)

- Plukke eple – lat som om pulten din er eit epletre. Kor mange epler kan du plukke på 100 sekunder? (alt frå 25-200 epler kvar elev)

- High five! Klarar alle i klassen å gi kvarandre high five før det har gått 100 sekunder?  (Yes, denne klarte vi også!)

 

Ellers koste vi oss med å lage 100 dagars biller, leikte og koste oss med både is og kake. Tusen takk til dei som bidra! 

Elevane koste seg mykje og alle var svært fornøyde med dagen. Nokre meiner vi før ha 1000 dagars fest også, sjølv om det er ein stund til ennå. ;-)

 

Hei! 

Her er nokre bilete frå førjulstida. Litt vel forsinka, men kjekt likevel håpar eg. :-)

Torsdag 28/9 kl 17-18.30 arrangerer vi klassetreff for 1A i fysakhallen. Sjå facebookgruppa for meir informasjon.

Håpar så mange som mogleg kan!

- Helsing klassekontaktane i 1A

Velkommen til alle elever og foreldre i 1A!

No er det endeleg dykkar tur å starte på skulen og det vil bli eit spennande år!

Vi skal bli godt kjende med kvarandre og lære mange nye ting. Vi skal lære bokstavar og tall. Vi skal lære å lese, å skrive og rekne. Vi skal leike både inne og ute, gå turar og lære oss mykje anna. Eg håpar de ser fram til å byrje i fyrste klasse. 

I byrjinga vil det komme mykje informasjon, men berre spør om de ikkje får med dykkar alt. Skulle det vere noko, må dykk berre ta kontakt.

Lekseplanen vil ligge i den raude meldemappe som elevane får ut fyrste skuledag. Der vil det komme informasjon om det skulle skje noko speiselt i laupet av veka, viktige beskjeder og kanskje litt om kva vi har gjort på veka før. Leksene vil også ligge der.  Lekseplanen vil også ligge digitalt på heimesida kvar veke. 

Eg gler meg til å møta alle saman igjen! Snakkes snart!

- Sarita, kontaktlærar i 1A