Klage på vurdering er regulert i kapittel 5 i forskrift til opplæringslova. Elevar og føresette kan klaga på standpunktkarakterane på avgangsfag.
På 8.trinn gjeld dette valfag, på 9.trinn valfag og mat & helse og på 10. trinn gjeld det alle faga siste skuleår. I 10. trinn har ein og klagerett på eksamen. 

Klagerett på standpunktkarakter:
- Elevar og/eller foreldre kan klaga.
- Klagefristen tek til frå den tida ein kunne ha gjort seg kjend med karakteren, og er 10 dagar.
- Klageinstans (Statsforvaltaren i Rogaland) vurderer om gjeldande føresegner om karakterfastsetjing er følgde.
- Ved medhald i klagen gjennomfører rektor og faglæraren ei ny vurdering. Rektor set endeleg karakter. Avgjerda kan ikkje klagast på. (Gjeld ikkje orden/åtferd, der avgjer Statsforvaltaren). 

Om du ønskjer å klage:
1. Rådfør deg med faglærar og få grunngiving for karakteren så sant det er mogleg, før du klagar på standpunkt- eller eksamenskarakterar.
2. Klagen må vere skriftleg, og den må ha med privatadressa di. Klagen må vere signert.
3. I klagen må det koma fram kva ein klagar på, og klagen bør innehalda informasjon og grunngjeving for klagen.
4. Klagen skal leverast til rektor (skulen).
5. Om du klagar, skal du vere merksam på at klagebehandlinga kan føre til at karakteren blir ståande, at karakteren blir sett opp, eller at karakteren blir sett ned. 

Her er to aktuelle lenker frå udir.no: Korleis kan eleven og foreldra klage? Standpunktvurdering

Eksamen:
I 10. trinn har ein og klagerett på eksamen. Les meir om det her: udir/eksamen

Fråver:
- Elevar kan krevja sletting av inntil 10 dagar fråver kvart opplæringsår.
- Her er lenke til Udir for kva som gjeld ved eventuell sletting av fråver.
- Viss ein ønskjer å krevja sletting av fråver, send dette på mail til rektor (eirik.jatten@time.kommune.no). Frist er 12. juni.