Ølve Montessoriskule er ein privatskule, 1.-7. klasse, som ligg i den vesle bygda Ølve i Kvinnherad kommune. Skulen vart starta i 2013, då Ølve Skule vart lagt ned. Skulen har i skuleåret 2024/2025 20 elevar, og 5 tilsette. Elevane kjem i hovudsak frå bygda, men me har òg nokre elevar frå andre kommunar. Me er ein heildagsskule, 8.15-14.15 kvar dag, utan lekser, og driv etter montessoripedagogikken, uvikla av Maria Montessori.
Det kostar ingenting å vera elev hjå oss, men ein betalar 1500 kr per halvår for lunsj, frukt og mjølk, dersom ein ynskjer det.
Du kan lesa meir om skuledagen og pedagogikken vår andre stader på sida. Ta kontakt dersom det er ting du lurar på, eller vil koma på besøk! Me tek imot elevar fram til 1. oktober, og etter det kun etter avtale.