Det har vore eit kjekt og innhaldsrikt år og me takkar elevar og føresette for eit kjekt år med mykje "lott og løye" innimellom læringsaktivitetane. Elevane har bidrege på forskjelleg vis til mykje kjekt i løpet av året. Bland anna var det nokon elevar som vant inovasjons camp finale i Oslo, nokon ordna juletre, andre har vore engasjerte i skulemiljø og oppfølging av elevundersøkinga, andre bakte kake til Krister (lærer) med beskjed om at han måtte dele med dei andre vaksne òg. Lista hadde vorte lang om den skulle vore utfyllande - men me vil takka alle elevane for at dei bidreg på forskjellige måtar til at me har det fint her på LUS. Torsdag kveld takka me av 2008- kullet - me ønskjer dei lukke til på VGS. Det var ei fin vitnemålsavslutning med mange gode elevinnslag og talar. I etterkant vart det spelt fotballkamp mellom 10. klasse elevane mot føresette, ordføraren var dommar. Eleven vant til slutt 3-2 over foreldra. Fredag var det kanonballturnering for 8. og 9. trinn. Av ulike grunnar hadde lærarane "walk - over" direkte til finalen. Lærarane spelte i finalen mot 9B og vant! Takk for i år, me ser fram til å treffa nye og gamle elevar attende i august. God sommar!