Fråvær på timar, 1 dag eller 2 dagar - då sender du melding via MinSkole app eller mail til kontaktlærar.

Fråvær på 3 dagar eller meir, då søkjer du via Visma til rektor. På framsida inne i Visma, under bilete av eleven, står det ein knapp med "Søknader".

Søknaden skal sendast inn til skulen så tidleg som mogleg. 

Kapittel 2 Rett og plikt til grunnskoleopplæring

§ 2-2.Plikt til grunnskoleopplæring

Barn har plikt til grunnskoleopplæring frå det året dei fyller seks år, til dei har avslutta det 10. trinnet. Grunnskoleopplæringa skal gjennomførast på ein offentleg skole, ein privat grunnskole som er godkjend etter § 22-1  eller etter privatskolelova, eller gjennom privat grunnskoleopplæring i heimen, jf. § 22-5.

Barn har plikt til grunnskoleopplæring når dei har vore i Noreg i tre månader. Plikta fell bort når barnet oppheld seg utanlands i tre månader.

Kommunen kan frita ein elev heilt eller delvis frå opplæringsplikta dersom omsynet til eleven tilseier det, foreldra samtykkjer og det ligg føre ei sakkunnig vurdering. Elevar som har fått fritak frå opplæringsplikta, mister ikkje retten til opplæringa dei har fått fritak frå.

Kommunen kan gi ein elev permisjon frå skolen dersom eleven får ei opplæring som samla sett er forsvarleg. Kommunen gir forskrift om permisjon frå skolen.

Ein elev som høyrer til eit anna trussamfunn enn Den norske kyrkja, har rett til permisjon frå skolen dei dagane trussamfunnet har helgedag, dersom foreldra sørgjer for den opplæringa som må til for at eleven skal kunne følgje med i opplæringa på skolen etter fråværet.

Skulen skal føra fråvær på alle trinn og når elevane får vitnemålet sitt i 10. klasse, vert heile fråværet for ungdomsskulen ført her. 

Elevar kan kreva at fråvær inntil 10 dagar i løpet av eit skuleår blir trekt frå på vitnemålet (forskrift til opplæringslova kap 3 § 3-38)

Dette gjeld:

- lengre fråvær som er skulda helsegrunnar, der det blir framlagt legeattest. Fråværet frå og med 4. dagen kan trekkjast frå.

- fråvær der eleven av ulike grunnar har fått innvilga permisjon frå skulen (Opplæringslova §2-11)

For skuleåra 2020-2021 og 2021-2022 blei det ikkje ført sjukefråvær grunna korona. Dette gjaldt alle elevar.

Ta kontakt med rektor dersom det er aktuelt å søkja om fråtrekk.