Mai på Høle SFO 🌸
Mai har vore ein fin og aktiv månad på Høle SFO.
Publisert: 01.06.2026 11:59 Sist endra: aldri Forfattar: MØ
Me har til brakt mykje tid ute og nytta
det gode vårvêret. Barna har kosa seg med sykling, leik i sandkassen og
avslapping i hengekøyene. Det er kjekt å sjå korleis dei finn ro ute samstundes
som dei er aktive og utforskande.
Inne har de òg vore mykje variert
aktivitet. Barna har perla, teikna og fargelagt, bygd med Lego og delteke i
ulike former for rolleleik. Gjennom leiken utviklar barna kreativitet,
samarbeidsevner og fantasi, samstundes som dei har det kjekt saman.
Måltida er eit hyggeleg samlingspunkt i
kvardagen, og barna set stor pris på maten som blir servert. Ein ekstra
favoritt denne månaden har vore kjøtkaker i brun saus med poteter og gulrøter.
Me held fram med å ha fokus på sosial kompetanse
og leikekompetanse. Gjennom samtalar, rettleiing og leik arbeider me med kva
det vil seia å vere ein god ven. Me øver på å inkludera kvarandre, visa omsorg,
samarbeida og løyse utfordringar på ein god måte. Målet er at alle barna skal
oppleva tilhøyrsle, meistring og gode vennskap på SFO.