Kvar grunnskule skal ha eit samarbeidsutval (SU). På Fogn oppvekstsenter har me eit felles SU for barnehagen og skulen. SU skal vere eit rådgjevande og samarbeidande organ mellom foreldre og barnehage/skule. Dei har rett til å uttale seg i alle saker som gjeld skulen, og vert brukt som høyringsinstans for politikarane i viktige saker som t.d. utbygging og klassedeling.

Etter opplæringslova skal utvalet ha to representantar for elevane, ein representant for undervisningspersonalet, ein representant for andre tilsette ved skulen, to representantar frå dei tilsette i barnehagen, to representantar frå foreldrerådet i skulen, to representantar frå foreldrerådet i barnehagen og to representantar frå kommunen, der den eine må vere rektor ved skulen.

På Fogn har me den praksisen at representantane frå foreldrerådet i både barnehage og skule kjem frå FAU (Foreldrerådets Arbeidsutval). I tillegg til rektor vert ein kommunal representant sett ned av kommunestyret.I tillegg til SU skal kvar skule ha eit skulemiljøutval (SMU) som tek aktivt del i arbeidet for å skapa eit godt skulemiljø. På Fogn består SMU av representantar frå SU, på ein slik måte at elevar og føresette er i fleirtal.

Les kva Opplæringslova seier om SU og SMU ved å klikke HER.