Det har vore skule på Engelsvoll sidan 1922, og i takt med utbygging i området har skulen òg vorte utvida gjennom åra.
I 2014 starta ei omfattande rehabilitering av dei 2 eldste delane av skulen, og me har fått utvida arealet noko med nytt garderobebygg og bibliotek. Det vert òg arbeidd med spanande planar for uteområdet på skulen.
Elevtalet ved skulen har halde seg relativt stabilt dei siste åra - og ligg på det jamne mellom 180 - 200 elevar. Skulen har 7 steg, med mellom 17 og 29 elevar på kvart steg. Me kan forventa ei moderat auke i elevtalet i åra som kjem, men skulen er greitt rusta for eit elevtal rundt 300 elevar.