17. januar vart ein stor dag for Tu skule! Me feira med BliMe-dans, eigen jubileumssong og skulesongen i Kåsenhallen. Maskotane Trulte og Ulik hadde tale saman med leiar av elevrådet og rektor. Det var utruleg kjekt å sjå kor mange som ville feira dagen saman med oss. Tribunen var heilt full. Elevrådet mottok også gåve på 5000 kr av Klepp kommune. I skulegarden hadde «Partnerskap mot mobbing» utdeling av pølser og aktivitetar. Det var stor stas med 14 meter langt bord med kaker, og ikkje minst opning av gratisbutikken. Elevar frå kvart trinn gjekk catwalk med fine klede frå butikken vår. I aula fekk beskjøande oppleva opptrinn frå alle trinn. Tusen takk til alle frammøtte og ein ekstra takk til skulesjef, kommunalsjef og Arne Ove Teigen som var inviterte heidersgjester.
.