"Kan noko godt koma frå Nasaret?" spurde Magnar Undheim på Slottet Sirdal 24. mai. "Dette lurte Nataniel på for 2000 år sidan. Plassen var for bagatellmessig til det – akkurat som ei lita fjellbygd,"
Vidare halde Magnar fram: "På same vis som Odd
Børretzen forklarte kor stor verda var med å fortelja om bestemora, Siri Fidjeland frå Øvre Sirdal, ho trong fire døgn for å koma til Oslo for å vitja dotter og
barnebarn, skal eg visa kor lita fjellbygda er ved å fortelja om Sinnes skule.
Skulen har litt over 5 elevar i årskullet i snitt. Fem elevar!
Tor Sigve Vik,
Tore Kvæven, Ingrid Bjørndal, Vegard Tjørhom og Nina Ousdal, som alle har vore sentrale her i kveld, har gått på
denne skulen de kan sjå gjennom vindauga her på Slottet. Kan det koma noko godt
frå Nasaret?" Eller frå ein liten skule i Øvre Sirdal…
Me treng ei slik påminning innimellom, og det var både interessant og flott å høyra på forfattaren og korrespondenten, om korleis ideen til "Fjellbygda i verda" oppstod og om barneheimen overskotet gjekk til.