Tur til TrollAktiv for 10. trinn
8.-12. september 2025: Tradisjonen tru reiste 10. trinn på klassetur til TrollAktiv på Evje og heldigvis vart ikkje vêret som meldingane i forkant antyda….
Publisert: 13.10.2025 13:35 Sist endra: aldri Forfattar: Maria Strand Helle og Anna Spjøtvoll
Det vart ei innhaldsrik og kjekk veke der ein fekk utfordra komfortsona si på ulike måtar og skapte mange nye minner saman. Aktivitetane som var valgt var fjellklatring og rappelering, SUP, Team Building, paintball, klatrepark og sist, men ikkje minst rafting! Gode sjansar for både å utfordra høgde- og vannskrekk der altså! Det vart også god tid til å sosialisere, spele spel, gjere ulike aktivitetar på området og vi fekk også sett Norge-Moldova-kampen på storskjerm i lag. Kjekt! Takk til turkomiteen for organiseringa, foreldra som vart med og ikkje minst dei flotte 10. klassingane vi hadde gleda av å tilbringe ei annleis veke saman med!