Ved Samnanger barneskule har me samla oss om fem kjerneverdiar som skal prega alt me gjer.
Ved skulen vår ønskjer me å ha ei felles tenking, felles forståing og ein felles praksis, som skal vera gjenkjennbar i alt me gjer. Det er ikkje sikkert alle er einige i eitt og alt til ei kvar tid, men kjerneverdiane våre skal me vera lojale mot. Me får ofte spørsmål om kva elevsyn me har, kva pedagogisk tenking me byggjer på, korleis møter me elevar og føresette, korleis gjer me det i klasserommet og i friminutta, kva ligg til grunn for utforminga av ordensreglar, vekeplanar, andre planar og praksis ved skulen vår?
Det er mange spørsmål me skal kunna svara på. Sjølvsagt skal ikkje alle gjera alt likt. Me praktiserer metodefridom, men kjerneverdiane skal prega arbeidet vårt. Dette er spennande!
For at dette ikkje skal verta med tanken, så har me konkretisert kvar av kjerneverdiane i fem punkt som fortel kva dette betyr for meg i mitt arbeid ved Samnanger barneskule. Vil du vita kva kjerneverdiar me har, og kva dei betyr? Då kan du lesa meir her;
Kjerneverdiane våre