6. trinn hadde ein flott sykkeltur til Haugabakka på torsdag3.april. Sola strålte og humøret var godt.
Kristine tok i mot oss og me fekk bli med inn i skulehuset. Der fortalde ho om tradisjonsmat og elevane var flinke til å delta. Dei fekk vera med på å kinna smør og lærte kva ingrediensane i ekte smør er. Smaksprøver blei delt ut. Smøret smakte godt på flatbrødet og mange ønskte fleire smaksprøver.
Etterpå flytta me oss over i Folgehuset og bakte potetkaker. Alle fekk ei potet som dei måtte skrella, mala og det blei nok til to emne. Kjevlinga var litt utfordrande for det var viktig med mykje mjøl, men alle fekk det til.
Nysteikte potetkaker smakte fantastisk med nykinna smør og sukker på.