Aktivitetsdag i strålande vêr
I går hadde 8. og 9. trinn aktivitetsdag i strålande sol og god temperatur. På førehand hadde elevane fått velje dei aktivitetane dei syntest var kjekkast, og dei var delte inn i blanda grupper på tvers av trinna.
Publisert: 26.08.2026 09:04 Sist endra: aldri Forfattar: Hege Jonathanson
Det var mange kjekke aktivitetar å velje mellom, mellom anna kanonball, fotball, hesteskokast, badminton og kubb. Mange av elevane var også med på ein flott tur til Åsen, der det blei leikt capture the flag.
Det vart ein dag fylt med aktivitet, godt humør og fellesskap. Elevane var engasjerte og hadde det kjekt, og fleire fekk høve til å bli betre kjende med kvarandre i løpet av dagen.
Me sit att med inntrykket av ein svært vellukka dag – rett og slett ein super dag.