Turen vår gjekk via Fjellveien, opp Skredderdalen til Sandviksfjellet, vidare til Rundemanen der elevane fekk ein god pause med lunsj. Etterpå gjekk turen ned til Fløyen.
Me hadde ein super dag på tur saman. Elevane viste stor innsatsvilje og var verkeleg spreke heile vegen. Vêret gav oss litt av alt – me fekk oppleve fire årstider på éin og same dag, med alt frå snø til varm sol som varma godt.
Turen vart avslutta med litt tid på Bystasjonen, der fleire valde å gå på Burger King – ein populær og velfortent avslutning på ein aktiv dag.
Dette var rett og slett ein kjekk tur med gode opplevingar, mykje meistring og flott samhald i gruppa.