Personleg økonomi på VilVite
I januar fekk 10. trinn delta på eit tre timar langt læringsprogram på VilVite, der fokuset var å styrke kunnskapen om personleg økonomi. Tilbodet passar godt for elevar på 10. trinn og kombinerer teori, praktiske oppgåver og refleksjon kring viktige økonomiske val.
Publisert: 21.02.2025 13:01 Sist endra: aldri Forfattar: Hege Jonathanson
Gjennom programmet lærte elevane om lønnsslipp, skatt og kontoutskrifter, før dei fekk prøve seg som budsjettplanleggarar med reelle inntekter og utgifter. Kva kan ein faktisk bruke pengar på, og kva skjer om uventa utgifter dukkar opp?
Dagen vart avslutta med ein engasjerande Kahoot om sparing, jobbmoglegheiter og lure økonomival i kvardagen. Elevane fekk også tid til å utforske utstillinga på VilVite i pausane.