Før lunsj var det fullt fokus i dei ulike gruppene. Nokre elevane fordjupa seg i juleminecraft – der glitter og julelys også fekk plass i den digitale verda. Andre valde å spele brettspel, noko som sjølvsagt førte til både vennlege diskusjonar og strategiske meisterverk. På kjøkkenet var det derimot alvor, for her blei det produsert julekaker med perfeksjonisme verdig eit bakeprogram på TV. Samstundes var det full sving med lim, papir og kreativitet hjå dei som laga julepynt, medan sløydsalen blei omgjort til ei julefabrikk med alt frå freinsdyr til juleprodukt som skreik "handverk med hjarta".
Etter lunsj fortsette verkstaden med ny energi, og gymsalen lokka med julegym for dei som ville hoppe seg inn i høgtida. Men dagens mest originale aktivitet var utan tvil rektor Trond sitt oppussingsprosjekt. Eit møte-/arbeidsrom skulle få ny stil, og Trond samla ei gruppe elevar til å hjelpe seg.
Heile skulen var fylt av juleglede og kreativitet, og ein kunne lukte den herlege blandinga av nybaka julekaker og fersk støv frå oppussing i gangane. Elevane var fornøgde, lærarane enda meir fornøgde, og resultatet av dagen var både nydeleg julepynt, deilige kaker og eit møterom som strålar av framtidige moglegheiter.
Juleverkstaden minner oss på at læring ikkje berre skjer i klasserommet – det skjer også når me får vere kreative, samarbeide og ha det gøy saman. Det var rett og slett ein dag fylt med julestemning, latter og litt julekaos – akkurat slik det skal vere på Samnanger ungdomsskule.