Kvar måndag står det gryn, knekkebrød og frukt på menyen, noko som gir ein enkel og næringsrik start på veka. På onsdagar får elevane ein større lunsj, og då varierer menyen mellom ulike spanande og smakfulle rettar.
Elevane har mellom anna fått servert betasuppe, tacolefser, tacosuppe, pizza, hamburger og smørelunsj med godt pålegg. Førre veke fekk dei til og med tradisjonsrike rettar som pinnekjøt, ribbe og kylling med tilbehøyr. Denne veka, som ein fin avslutning på året, får elevane servert julegraut – eit koseleg høgdepunkt før juleferien.
Ordenselevane er med og ryddar opp etter måltidet, medan det er Bjørg som står for planlegging, innkjøp og tilbereding av all maten. Dette er eit inkluderande og flott tiltak som bidreg til godt samhald og trivsel på skulen, og som elevane set stor pris på.