Det er obligatorisk å gjennomføre Elevundersøkinga for elevar på 7. trinn, 10. trinn og Vg1 i haustsemesteret. Skulane kan òg velje å gjennomføre undersøkinga på fleire trinn. Me har vald å gjennomføre for alle elevar. 
Resultata frå undersøkinga blir brukt av skulen, kommunen og staten for å følgje opp og betre skulemiljøet og elevane si trivsel. Det er frivillig for elevane å svare, og dei kan hoppe over spørsmål om dei ønskjer det.
Svara er anonyme, utan namn eller personnummer, slik at det ikkje skal vere mogleg å spore dei tilbake til den einskilde elev. Likevel kan det i einskilde tilfelle (til dømes ved små skular) vere ein liten risiko for at nokon kan kjenne igjen kven som har svart kva. Difor finst det strenge reglar for visning av resultata til skulen, skuleeigaren og dei statlege utdanningsstyresmaktene. Resultata frå undersøkinga skal ikkje publiserast på ein måte som kan identifisere elevane sine svar.
Utdanningsdirektoratet har ansvar for at svara frå Elevundersøkinga blir lagra og brukte på ein trygg og korrekt måte. Desse svara blir lagra så lenge det er naudsynt og kan nyttast til forsking, statistikk og arkivering. Statistikk frå undersøkinga er tilgjengeleg på udir.no.