Me skal mellom anna planlegge og gjennomføre ulike aksjonar og ta ansvar for prosjekta våre og jobbe med ulike menneske/ organisasjonar. Til no har me jobba med demenssaka og kjem i veke 39 til å samle inn pengar til Demensaksjonen 2024 som går til forsking på demens. Me synst det er ei viktig sak fordi ein ikkje har funne ein kur for å stoppe demens enno og berre forsking kan gjere at ein kanskje finn ei løysing i framtida. Nokre av oss som har valfaget kjem til å stå ved Kiwi måndag 23. september mellom kl. 15-18 for å samle inn pengar til saka. I tillegg står me utanfor Kiwi og Spar mellom kl. 15-18 torsdag 26. september og sel kaker, kanelsnurrar og muffins. Dersom det vert noko til overs, vil me selje restane i kantina på fredag. Me er spente og håpar de vil støtte oss og saka me samlar inn til! De kan også gje eit bidrag på innsamlingssida vår: Samnanger ungdomsskule, "Innsats for andre" | Nasjonalforeningen Takk på førehand!