Julebesøk i nærmiljøet
Gledespatruljen gjennomførte årets julerunder med stor iver og glede.
Publisert: 13.12.2024 09:52 Sist endra: 13.12.2024 10:13 Forfattar: Unni Einarsen
Me pakka 66 korger, fullt av julegodt, frukt, bakst, brus, gavekort og gåver.
Rolf stiller igjen med bussen. Dette gjer at me når langt. Geir Magnus er trofast medhjelper.
Me har så mange å takka for at dette er så vellukka. Alle som er med som Gledessponsor på eine eller andre måten. Privatpersonar og næringsliv. Summen av alt gjer at me kan handle inn og tilpassa korgene til mottakarane.
Elevane er heilt fantastiske! For ein innsats dei viste. Dei er blide og flinke og er flotte representanter for skulen vår. I går delte dei ut juleglede og mange klemmar. Sjølv om mange gjekk langt på overtid, gjekk dei heim med eit smil om munnen.
For ein flott gjeng!
No kan me atter ein gong senka skuldrene, så er det berre å lada opp til neste runde som er i juni 2025.