Tusen takk til alle besteforeldre, føresette og sysken som møtte opp til førestilling av elevane i Kåsenhallen. Me feira avslutning av PALS-veka 2017. Elevane framførte BliMed-dansen, songar, dikt, rollespel, spontanintervju og kunstframsyning.
I løpet av veka har me hatt fokus gleding og vennskap. Elevane har delteke på stasjonar der dei har lært mange nye leikar, songar og dans. I tillegg har dei samarbeida om flotte kunstverk. Samstundes har me sjølvsagt hatt fokus på skulen sine reglar og verdiar; respekt, ansvar og omsorg. PALS-veka har vore gild, lærerik, minnerik og viktig. Me har stor tru på førebygging av mobbing, og vil fortsetja å arbeida for eit godt psykososialt miljø.
Samlinga blei avslutta med skulesongen. Den løfta nesten taket i Kåsenhallen:)
Takk til alle våre 267 elevar for ei flott førestilling!
Me ynskjer alle ein god haustferie!