Alle eleveråda frå alle skulane i Klepp var samla til Barn og unges kommunestyre. Ordføraren ønskja velkommen og styrte møtet. Det var blant anna svar på spørsmål frå elevane, presentasjonar av innsendte suksessar  på skulane og orienteringar av ting som skjer i Klepp. Kanskje den viktigaste saka er tildeling av straksmidlar på 35000. Desse skal gå til noko som er bra for barn og unge i Klepp kommune.

Det var mange gode forslag - og Klepp ungdomsskule ville at midlane skulle brukast til oppgradering av utstyr til Klepp symjehall. Det viste seg at Orstad skule hadde nesten identisk forslag. Etter at alle forslaga var lagt fram, var det gruppemøter på kvar skule der elevane skulle diskutera kven dei ville stemme på. Under desse gruppemøta tok Klepp ungdomsskule initiativ overfor Orstad sine elevar om å slå saman dei to forslaga. Det blei dei einige om og informerte ordføraren om dette. 

Under avstemminga etterpå vant Orstad og Klepp ungdomsskule ein klar seier! 

Her er protokollen frå møtet.

Under her står elevane frå ungdomsskulen i lag med ordførar Kjetil Maudal. Frå venstre ser me våre dyktige elevrådsrepresentantar: elevrådsleiar Arian Eshaghi, sekretær Chelsey Kristensen og nestleiar Filip Krzyska.